Rektori i Kolegjit Profesional të Lartë TESS shpall pozicione vakante në departamentin e Kozmetologjisë

Rektori i Kolegjit Profesional të Lartë TESS shpall Vende Vakante!

Në kuadër të plotësimit të stafit akademik për vitin akademik 2019 – 2020, Kolegji Profesional i Lartë TESS shpall vendet vakante për staf akademik sipas kërkesave të departamenteve si më poshtë vijon:

Departamenti i Kozmetologjisë – Dy vende vakant

2 pedagogë të brendshëm

Kriteret e përgjithshme që duhet të plotësojnë kandidatët, bazuar në përcaktimet e bëra në Statutin e Kolegjit dhe Rregulloren e Institucionit, “Ligjin për Arsimin e Lartë 80/2015” dhe në aktet nënligjore të dala në zbatim të tij, janë si më poshtë:

• Të kenë përfunduar Ciklin e dytë apo të tretë të studimeve në profilin menaxhim dhe kimi.
• Preferohet eksperienca në mësimdhënie dhe eksperienca profesionale lidhur me fushën që do të mbulojnë.
• Të zotërojnë aftësi të nevojshme profesionale në vendin e punës dhe aftësi komunikimi.
• Preferohet me gradën Doktor.

Të interesuarit duhet të paraqesin dokumentacionin e mëposhtëm:

1. Letër interesi.
2. CV e plotë.
3. Fotokopje e diplomave.
4. Fotokopje e çertifikatave të notave.
5. Fotokopje të dëshmive kualifikimi të ndryshme, të noterizuara.
6. Dy letra rekomandimi.
7. Fotokopje e pasaportës ose një dokument identifikimi.
8. Fotokopje e noterizuar e librezës së punës nëse ka.

Diplomat, çertifikatat, gradat dhe titujt e fituar në institucione të huaja arsimore, duhet të jenë të përkthyera dhe të shoqërohen me çertifikatën e njehsimit, bazuar në Ligjin nr. 80/2015“Për arsimin e lartë dhe kërkimin shkencor në institucionet e arsimit te lartë në Republikën e Shqipërisë”.

Dokumentacioni duhet dërguar në Kolegjin Profesional të Lartë TESS.

Adresa: Rruga “Gjeneral Nikols”, Pallati Shushica, kati 1, Tiranë, Shqipëri.

E-mail: info@tess.al