Profili Hair Artist në TESS zhvillohet gjatë një programi 2 vjeçar.

Ky program ka si synim përgatitjen e profesionistëve në këtë fushë duke ofruar një formim të plotë.

Programi përfshin njohuri që lidhen me anatominë, flokët e trikologjinë e gjithashtu njohuri që lidhen me aftësitë menaxheriale dhe komunikuese të domosdoshme për këtë fushë. Një domosdoshmëri për këtë fushë janë edhe njohuritë teorike, demostrimet dhe praktikat lidhur me proceset e flokëve, si trajtimet, lyerja dhe prerja të cilat do të studiohen në profilin Hair Artist.

Programet përfshijnë leksione mbi rëndësinë e studimeve teorike, të kombinuara me demostrime, praktika një-më-një dhe projekte individuale.

Kohëzgjatja: 2 Vite Akademike (1,500 orë mësimore të ndara në 4 semestra) 120 Kredite ECTS

Kriteret e pranimit:

• Mosha mbi 18 vjeç
• Diplomë e Maturës Shtetërore

Profili Make Up është një program 1-vjeҫar.

Ky program studimi është krijuar për të mundësuar një formim të plotë e gjithë përfshirës për të fituar njohuritë e nevojshme për profesionin e make-up artist. Kjo mund të arrihet duke maksimizuar aftësitë krijuese të studentëve e duke përforcuar talentin që ata kanë, për të qënë të përgatitur të plotësojnë të gjitha kërkesat si profesionistë të fushës në nivelet e kërkuara në industrinë e make up-it të ditëve të sotme.

Programet përfshijnë leksione mbi rëndësinë e studimeve teorike, të kombinuara me demostrime, praktika një-më-një dhe projekte individuale.

Kohëzgjatja: 1 Vit Akademik (750 orë mësimore të ndara në 2 semestra) 60 Kredite ECTS

Kriteret e pranimit:

• Mosha mbi 18 vjeç
• Diplomë e Maturës Shtetërore

Programi i studimit është i përshtatshëm për të gjithë ata që kanë interes për fushën e make up-it. Aplikantët duhet të kenë njohuri bazë në aplikimin e make up-it dhe/ose kozmetologji.

Profili Estetikë është një program 2-vjeҫar.

Programi i studimit për estetistët synon të krijojë profesionistë në fushën e estetikës. Roli kryesor i estetistes është të kujdeset për lëkurën dhe kjo mund të arrihet duke pasur një profil të plotësuar në 360 gradë për sa i përket të gjitha njohurive teorike, informacionit që merret nga studimet shkencore, e gjithashtu demostrimeve dhe praktikave në të gjitha disiplinat e fushës.

Kohëzgjatja: 2 Vite Akademike (1,500 orë mësimore të ndara në 4 semestra) 120 Kredite ECTS

Kriteret e pranimit:

• Mosha mbi 18 vjeç
• Diplomë e Maturës Shtetërore

Programi i studimit është i përshtatshëm për të gjithë ata që kanë interes për fushën e estetikës. Aplikantët duhet të kenë njohuri bazë në kujdesin për lëkurën dhe/ose kozmetologji.

Programi Menaxhimi i SPA dhe Biznesit të Bukurisë synon të përmbushë nevojën lokale për personel të specializuar në këtë fushë me qëllim përmirësimin e performancës e bizneseve të qendrave të bukurisë dhe SPA dhe sektorit të lidhur me to, atij hotelier dhe turizmit. Sot, zhvillimi dhe rritja e numrit të hoteleve ka shtuar edhe numrin e qendrave SPA të integruara me hotelet, përveç atyre të cilave operojnë si njësi shërbimi të veçuara. Për këtë, nevoja për staf të specializuar është e madhe.

Puna si menaxher në SPA dhe në biznesin e bukurisë

Të diplomuarit në kozmetikë, estetikë dhe programin e SPA gjejnë karriera si këshillues bukurie, përfaqësues shitjesh, makeup artist, teknikë thonjsh, menaxherë SPA dhe sallonesh. Ka industri të ndryshme dhe biznese që kanë nevojë për profesionistë të bukurisë.

Kohëzgjatja: 2 Vite Akademike (1,500 orë mësimore të ndara në 4 semestra) 120 Kredite ECTS

Kriteret e pranimit:

• Mosha mbi 18 vjeç
• Diplomë e Maturës Shtetërore