Thirrje për aplikime për Connected Through Mobility
TESS – Tirana Esthetics & Style School dhe Kolegji Profesional i Tiranës në bashkëpunim me MeOut Group me mbështetjen e Komisionit Europian organizojnë raundin e parë të mobiliteteve afatshkurtra në kuadër të projektit Lidhur Përmes Mobilitetit (Connected Through Mobility) (EAC-2020-0865) për nxënësit/ studentët pjesëmarrës në arsimin profesional në Shqipëri. Për studentët shqiptarët, projekti i parë afatshkurtër në kuadrin e mobilitetit do të zhvillohet në Budapest, Hungari nga data 25 mars – 22 prill 2022.
Qëllimi kryesor i projektit pilot është zbatimi i programeve ndërkombëtare të mobilitetit profesional në katër vende të Ballkanit Perëndimor: Shqipëri, Bosnjë dhe Hercegovinë, Mal të Zi dhe Kosovë.
Programi afatshkurtër i mobilitetit përfshin 1 muaj trajnim profesional në Hungari.
Objektivat e mobilitetit:
- forcimi i kompetencave kyçe dhe aftësive për jetën, në veçanti në aspektin e mësimit të gjuhëve dhe aftësive digjitale
- mbështetja e zhvillimit të aftësive specifike për punë, të cilat janë të nevojshme në tregun aktual dhe të ardhshëm të punës
- nxitja e cilësisë, transparencës dhe njohjes së rezultateve të të nxënit të periudhave të mobilitetit jashtë vendit, veçanërisht duke përdorur mjete dhe instrumente evropiane
Forcimi i dimensionit evropian të mësimdhënies dhe të nxënit duke:
- promovuar vlerat e gjithëpërfshirjes dhe diversitetit, tolerancës dhe pjesëmarrjes demokratike
- promovuar njohuritë për trashëgiminë përbashkët evropiane dhe diversitetin
- mbështetur zhvillimin e rrjeteve profesionale në të gjithë Evropën
Ne kërkojmë:
- 10 studentë që kanë dëshirë të marrin pjesë në mobilitet afatshkurtër (1 muaj) dhe të gatshëm për të kryer praktikën profesionale në një kompani pritëse
- 1 mësues shoqërues
Kushtet paraprake:
- Nxënës/ studentë që ndjekin arsimin profesional në klasën e tretë ose të katërt (mosha 16-19 vjeç)
- Një nivel i caktuar i njohurive të gjuhës angleze\
- Interes për të fituar përvojë në një vend të huaj dhe zhvillim personal
- I/ e hapur për të mësuar në një mjedis ndërkombëtar
- Aftësi për të punuar në mënyrë efektive me njerëz të tjerë
Procesi i aplikimit:
- Një formular aplikimi i plotësuar online
- Intervistë e suksesshme përpara një komisioni përzgjedhës (në intervistë do të ftohen vetëm nxënësit/ studentët e përzgjedhur)
Kur dhe Ku? Budapest, Hungari nga data 25 mars – 22 prill 2022
Kushtet e nxënësve/ studentëve:
Akomodimi – Shpenzimet e akomodimit mbulohen nga programi. Nxënësit/ studentët do të ndajnë dhomat me njëri-tjetrin, ku do të ofrohen të gjitha shërbimet e nevojshme komunale për qëndrimin e tyre.
Transporti ndërkombëtar – Transporti vajtje-ardhje nga Shqipëria në Hungari do të mbulohet nga programi.
Sigurimi – Pjesëmarrësit do të përfitojnë sigurim shëndetësor të mbuluar nga programi.
Viza – Organizatorët mund të mbulojnë tarifat e vizave të pjesëmarrësve të përzgjedhur.
Pagesa – Pjesëmarrësit do të marrin para xhepi për shpenzimet e ushqimit ose do të përfitojnë të gjitha vaktet e plota gjatë qëndrimit të tyre.
Mbështetja e përgjithshme – Gjatë gjithë periudhës së trajnimit nxënësve/ studentëve do t’u ofrohet mbështetje e vazhdueshme nga mbikëqyrësi dhe mësuesi shoqërues si edhe nga stafi vendas.
Data e fundit e aplikimit – 20 shkurt 2022
Nëse ju nevojitet informacion i mëtejshëm në lidhje me këtë përvojë, ju lutemi mos hezitoni të na kontaktoni.
Kontakt: +355694000014